Сауат ашудан сабақ жоспары: ъ (айыру белгісі) (1 сынып, 5 бөлім )

Пән: Сауат ашу.
Ұзақ мерзімді жоспар бөлімі: «Cаяхат»
Сабақтың тақырыбы: ъ (айыру белгісі)
Сабақта меңгерілетін дағдылық мақсаттар:1.1.9.1. Сөздегі дыбыс түрлерін (дауысты, дауыссыз, жуан және жіңішке дауыстылар) ажырату және дұрыс дыбыстау.
1.2.9.1. Әріпті тану, ажырату және оны дыбыспен сәйкестендіру
1.3.9.4. Бас әріппен жазылатын сөздерді (адамдардың есімдерін, жер-су аттарын үй жануарларына берілген атауларды) дұрыс жаза білу
1.3.12.2. Бас әріптер мен кіші әріптерді бір-бірімен дұрыс байланыстырып, гигиеналық талаптарға сай жазу .
Сабақ мақсаттары: Барлық оқушылар білуге тиісті:
Сөздегі дыбыс түрлерін (дауысты, дауыссыз, жуан және жіңішке дауыстылар) ажыратады және дұрыс дыбыстайды
Әріпті тану, ажырату және оны дыбыспен сәйкестендіру
Оқушылардың көпшілігі:
Бас әріппен жазылатын сөздерді (адамдардың есімдерін, жер-су аттарын
үй жануарларына берілген атауларды) дұрыс жаза біледі
Дыбыстық талдау жұмыстарын дәлелдемелермен орындайды.
Кейбір оқушылар:
Тақырып бойынша өз пікірін білдіру және дәлелдеу үшін түрлі дереккөздерді қолдана алады.
Бас әріптер мен кіші әріптерді бір-бірімен дұрыс байланыстырып, гигиеналық талаптарға сай жазады.
Сабақ барысы: (МК) Оқушыларды кәмпиттің түрін таңдау арқылы топқа бөліп алу. «Ойымды аяқта» ойынын ойнату. Топ мүшелеріне бір ғана сөз жазылған парақшалар ұсыну. Сол сөздің мағынасын тауып, келесі жаңа сөзді тауып жазу.
Мысалы: Қайың (келесі сөзіміз осы сөздің мағынасы не екенін тауып, сол сөздің басқы әрпінен келетін сөз айту. Яғни ағаш сөзінің бас әрпі А), Астана (бұл қаланың атауы, яғни келесі сөз қ әрпінен басталатын сөз айтады) т.б.
Біз әріптер әлеміне кішігірім саяхат жасадық.
– Саяхат дегеніміз не?
– Саяхатқа шығар болсаң, жолға не алар едің?
– Қайда барар едің?
(Бұл сабақты бастаудың 1-түрі. 2-түрі: компас, сағат, рюкзак ұсынып. Бұл заттардың арасындағы байланыс не екенін анықтатуға болады. Алдыңғы сабақтарды еске түсіру).
Мағынаны тану
– Ендеше, келесі аялдама не болатынын білгілерің келе ме?
Жаңа әріппен танысу жұмысы жүреді. Дыбысталу ерекшелігіне тоқталу.
Сөздер қатарымен жұмыс.
«Саяхат картасы» әдісі
1.Жаңа әріппен танысу
Ъ белгісіне байланысты мағлұмат беру
2.Хат жазу
1-топ:Перизаттың атасы – альпинист. Ертең – атасының мерейтойы. Ол атасын құттықтағысы келіп, қолына қаламын алды. Қағаздың басына “Құрметті ата!” деп жазып қойды. Әншейінде толып жатқан әдемі сөздер есіне түссейші.
Тапсырма: Перизатқа көмекке кел.
2-топ:Сәлем хат
Самат разъезде тұратын атасы мен әжесін қатты сағынды.
Сол сағынышын тілі жеткенше айтып хат жазбақ болды. Торкөз дәптерден екі парақ
жыртып алды. Ақ қағаздың басына “Сәлем хат” деп үлкен әріптермен жазып қойды да, Өз ойын әңгімеледі.
Ата, әже, халдарыңыз қалай? Ауырмай-сырқамай жүрсіздер ме?
Көкем не істеп жатыр? Бізде аман-саумыз …
Тапсырма: Саматтың хатын жалғастырып көр
3-топ: Ерасылдың жазған хатын оқы.
Қадірлі аташым!
Мен әріптерді оқып бітірдім. Енді ешкімнің көмегінсіз оқи да, жаза да аламын.
Ең алғашқы хатымды Сізге арнап отырмын.
Тапсырма: Ерасылдың хатын аяқта……