ҚЫРАН ҚҰС, ҚҰМАЙ ТАЗЫ, АҢШЫЛЫҚ, САЯТШЫЛЫҚ ТУРАЛЫ мақал мәтелдер

0
388

ҚЫРАН ҚҰС, ҚҰМАЙ ТАЗЫ, АҢШЫЛЫҚ, САЯТШЫЛЫҚ ТУРАЛЫ МАҚАЛ МӘТЕЛДЕР

Ауыл итінің құйрығы қайқы.

***

Иесін сыйлағанның итіне сүйек сал.

***

Қағынан құлан жерісе, су таба алмай шөлде өлер.

***

Итті тепкен, ырысты тебеді.

***

Итті күшігім десең — аузынды жалайды.

***

Ит үреді, керуен жүреді.

***

Ит құтырса — иесін қабады.

***

Қарақұс қайырғанмен бүркіт болмас.

***

Қыран құс қисық ұшып, түзу ілер.

***

Міріден сірі айырады.

***

Айналаға атқан оқ ажалдыға тиеді.

***

Аңды ерінбеген атады,

Я көрінбеген атады.

***

Қаңтар қақпанды сүйер,

Сонаршы ақпанды сүйер.

***

Әр таудың түлкісін, әдісін білген тазы алады.

***

Сасқан үйрек артымен сүңгір.

***

Ай жарықта қоян арық.

***

Қара құс басып жейді,

Сұңқар құс шашып жейді.

***

Жолаушының кешіккеніне сүйінбе,

Аңшының кешіккеніне сүйін.

***

Мылтығыңның күмісін айтпа, тиісін айт.

***

Аң таппаған атынан көреді,

Ата алмаған мылтығынан көреді.

***

Тағыны жеткен алады.

***

Қаз орғанына семіреді.

***

Бөдененің үйі жоқ,

Қайда барса бытпылдақ.

***

Қасқырдың өзі қатты, жолы жұмсақ,

Қоянның жолы қатты, өзі жұмсақ.

***

Бөрінің аузы жесе де қан, жемесе де қан.

***

Бөрі арығын білдірмес,

Итке жүнін қампайтар.

***

Алпыс қарсақ ат болмас.

***

Қоянның қарамын көр де, қалжасынан түңіл.

***

Қоян көлеңкесінен қорқады.

***

Қашқан қоян, жатқан қоянды ала кетеді.

***

Борсық ұрған сайын семіреді.

***

Құлан қырда, құндыз суда.

***

Құстың қуы сауысқан.

***

Жарқанатқа жарықтан қараңғы артық.

***

Өлі бөріден ит аттамас.

***

Ауыл иті ала болса да,

Бөрі келгенде бірігеді.

***

Жаман иттің атын «Бөрібасар» қояды.

***

Ит ішіне сарымай жақпайды.

***

Ел қонбай, ит тынбас.

***

Иттің бәрі тазы болмас,

Еттің бәрі қазы болмас.

***

Жетектеген төбет қораға үрмес.

***

Ит бір сүрінсе, қырық сүрінеді.

***

Жақсы ит иесінің көз-құлағы.

***

Ит баласы жүре азар.

***

Ит атасын танымас.

***

Құмай тазы қуғанын алады.

***

Ит ұяласынан қорықпайды.

***

Қабаған ит қайыр байлайды.

***

Оңбағанның иті ұры кеткен соң үреді.

***

Жоны қашқан итке өлексе жоламас.

***

Ит жеңгенін талайды.

***

Ит қорыған жерге өш.

***

Байлаулы ит үреген,

Байлаусыз өгіз сүзеген.

***

Бір ит көріп үреді,

Екі ит еріп үреді.

***

Бұралқы ит үріп жағынады.

Жақсы ит өлімтігін көрсетпес.

* * *

Ит иттігін қылмай қоймас.

***

Ит құтырса, иесін қабады.

***

Итке ит жерошақтың басында ұшырасады.

***

Ит жемес асынан дәметеді.

***

Иттің құны бір күшік.

***

Қазаныңнан қақпақ кетсе,

Иттен қанағат кетер.

***

Қасқырлы жердің елі айтақшыл.

***

Иттің ұлығанын бөрі есітпес.

***

Иттің табаны қышыса, керуенге ереді.

***

Ит баласы жырымға қарайды,

Құс баласы қырымға қарайды.

***

Саятшылық сабырлыға жарасар.

***

Ит итті жұмсайды,

Ит құйрығын жұмсайды.