Қош бол балабақшам сценарий балабақшада

 
                                           «Қош бол балабақшам!» 

                                                                               «Балдырған» санаториялық үлгідегі 
                                                                                             мектепалды балалар мекемесінің   
                                                                                             тәрбиешісі Темірғалиева Гүлсезім

           Бөлме мерекеге сай безендірілген. Көңілді әуен естіліп тұрады. 
Жүргізуші: — Құрметті ата-аналар, қонақтар! Бүгін біз тәрбиелеген бүлдіршіндерімізді ұямыздан ұшырып, мектепке шығарып салғалы отырмыз. Көз алдымыздағы тәп-тәтті, сүйкімді қылықтары мен үйренген әндерін, тақпақтарын, билерін әрі қарай шыңдай түсіп, балабақшамен қоштасқлы отыр. Балабақша бітіруші түлектерді қошеметтеп ортағы шақырайық
Өтті қызық көп күндер
Бес жасқа енді жеттіңдер.
Барасыңдар мектепке
Бір белестен өттіңдер!
Өсті ақыл-ойларың,
Қуанышқа ортақпын
Құтты болсын тойларың!
Айналайын балалар,
Алда Мектеп-Ана бар,
Өздеріңнен өседі,
Өнерпаздар, даналар. 

Ақ тілекті ағытып бір тастайық,
Қоштасатын кешімізді біз бастайық. 
Жүздеріңде көркем шаттық арайы
Өтсін солай әрбір күнің, әр айың. 

Ән: «Балдырғандар маршы» қабыл алыңыздар.

Нұргелді:                             Мектепке енді барамыз,
Үлгілі оқушы боламыз.
Жақсы оқып  сабақты,
Кілең бестік аламыз. 

Азамат:                                  Мәпелеген анамыз,
                                               Бақша болды панамыз. 
                                               Мектепке енді барамыз,
                                               Оқып білім аламыз. 

Венера:                                  Мектепке енді барамыз
Оқимыз, сауық құрамыз.
Қашық емес арамыз
Бақшаға келіп тұрамыз. 

Жалқаубек жүгіріп келеді.  Балалар Жалқаубекті қоршап, «Жалқаубек» әнін орындайды. 

Жалқаубек: -Балалар, ойын ойнайықшы. Мен жалғыз өзім ішім пысып, сендерді іздеп келдім.           
                      Міне, менде көп ойыншық бар. Келіңдер, ойнайық. 

Азамат: — Жалқаубек мына жүрісің не?

Диана: — Беті-қолыңды жусайшы.

Ислам: — Дұрыс киіміңді ки, жалқау болма. 

Саят: -Сен өзің мектепке барғың келе ме?

Тәрбиеші: — Балалар, Жалқаубекке қандай көмек қажет? 
—    Қане, олай болса, Жалқаубекті көмекші тәрбиеші апайларымызға тапсырайық. Ал, біз Жалқаубек жуынып, тазаланып келгенше ән айтайық.
Біз байқамай отырған үш әнші бар,
Өнеріне өзгелер тәнті шығар.
Қыздарымызды шақырайық біз ортаға
Әжелерге арнап айтар әндері бар.  

Ән: «Айналайын әжем-ай».   Орындайтын: Аяулым, Аида, Айсезім.

Жүгіріп оқушы келеді. Қатарласа Жалқаубек келеді. 
Оқушы: — Сәлеметсіздер ме, балалар! «Балдырған» балабақшасындағы мектепке баратын балаларды өзіммен бірге ертіп кетуге келдім. Сендер қандай ақылды, тәртіпті баласыңдар. Жолда Жалқаубекті көріп, ертіп келдім. Ол да мектепке барғысы келеді екен. 

Жүргізуші:  — Балалар, осы балабақшадағы әр күндерің қызықты өтуін қадағалап отырған апайларыңа арнаған тілектеріңді, әндеріңді, билеріңді ортаға паш етіңдер!

Азамат:                                              Ұстаздардың ұстазы,
Тәрбиенің ұстасы
Меңгеруші апайға
Ырза шеше, әке де. 

Бізде мұнда әрдайым
Бәрі-бәрі дап-дайын.
Қамымызды ойлаған
Бақтылы апайға мың алғыс!

Венера:                                             Біздің апай Гүлсезім
                                                          Маманы оның әдіскер.
                                                          Бұл апайға қарасақ,
                                                          Ақылына көркі сай. 
                                                          Мақтан етем әрдайым,
                                                          Аман болшы апатай.

Айсезім, Аида : «Үнді биі» 

Ислам:                                               Еңбек еткен еңселі
Сырты менен ішіне.
Балабақшаның қызметін
Иығына көтерген. 
Дәмді, тәтті тағамды
Жеткізген Сұңқар дүкеннен.
Қоймашы Алтынай апайға мың алғыс! 

Нұрсәуле:                                          Талай-талай баспалдақты аттармыз,
Ата-ананың үмітінде ақтармыз.
Роза апай сізден алған ақылды
Есімізде өмір-бақи сақтармыз. 

Хор: «Біздің балабақшамыз» 

Саят:                                                  Бақшадағы күндерді
Есімізде сақтаймыз.
Тәрбиеші Бижамал, Зәру,
Мереке апай сіңірген
Еңбегіңізді ақтаймыз.

Диана:  Баулып, баптап өсірген,
Балалық істі кешірген
Салтанат, Райхан, Ғалия апай
Тәрбиелік сөздеріңізді
Ұмытпаймыз өздеріңізді. 

Бекзат Р:                    Күннен-күнге біздер өсіп барамыз,
Үлкен болып қиындықты жеңеміз. 
Сіздердің біздер үшін сіңірген
«Еңбектеріңіз еш болмайды» деп сенеміз. 
Сағира апай, Айсәуле апай, Гүлжан апайларға мың алғыс!

Жүргізуші:  — Балалар, сендерге кішкентай бөбектер ән, билерін ала келіпті. Қане, «Балапан» тобының өнерпаздарына кезекті берейік.

«Балапандар» биі. 

Жүргізуші: -Рахмет, кішкентай бүлдіршіндер! Өнерлерің өрге жүзсін, талаптарыңа нұр жаусын!

«Бауырсақ» ертегісінен сахналық көрініс. 

Венера: «Өзбек биі» 

Ілияс:                                     Тіс ауырса, іш ауырса,
Бізге дәрі береді.
Бақшамызда барлық бала,
Роза апайды жақсы көреді. 

Саят:                                      Ерекше бізде бір ағай,
Біз қараймыз таңырқай. 
Ән үйрендік ағайдан
Ешқашанда жалықпай. 
Әнуар ағайға мың алғыс! 

Бекзат:                                   Әр күніміз той-думан
Рахатқа батып ек. 
Асқа бізді тойдырған
Аспазшы Балқия, Айнагүл,
Күләй апайларға рахмет! 

Ән: «Ерте, ерте, ертеде» Орындайтын: Бекзат.

«Жігіттер биі» барлық ер балалар билейді. 

Ойын: «Күн шуағы» 

Жүргізуші:  — Балалар, мынау қандай пішін? Түсі қандай? Осы дөңгелекті шуақты күнге айналдыруымыз қажет. Күннің нұрын менің қойған сұрақтарыма жауап беру арқылы жапсырып отырамыз.  Сендердің өте зерек, алғыр, тапқыр екендіктеріңді ата-аналарымызға көрсетейік.

—    Қазір жылдың қай мезгілі?
—    Жаздың қай айы?
—    Жарайсыңдар, балалар! Міне, күн құрастырдыңдар. Әрқашан күн сөнбесін! Күн шуағы сіздерге нұр сыйласын. Сапарларың сәтті болсын! 

Мектеп деген білім кені, жыр кені,
Мектеп деген ғылымның ең үлкені. 
Мектеп деген тәрбиеші адамға
Мектеп деген даналардың мекені, — дегендей түлектердің орындауында 
«Біз мектепке барамыз» әні. 

Би: «Қыздар биі» 

Ән: «Қуыршағым» Орындайтын: Әсемай.  

Би: «Балдырғандар вальсі» 

Барлық бала бірге:                           Қуанышымыз біздің мол,
Мектепке біз тарттық жол!
Ұмытпаймыз өзіңді,
Балабақшам қош-сау бол!
    
Ән: «Балабақшам Балдырған» 

Жүргізуші: — Міне, балаларымыздың жүректері лүпілдеп мектепке қадам басқалы тұр. Бойларындағы бар өнерлерін сіздерден аямай барынша тырысып көрсетті.  Сіздерге ақ жол тілеймін, бөбектер. Сапарларың оң болсын бүлдіршіндер! Ендігі сөз кезегін балабақшамыздың меңгерушісі  Сейтжапарова Алма апайға береміз.

Меңгеруші апай балаларды құттықтап, алғыс хат, мадақтамаларын тапсырады.