Қазақша тақпақ: Балабақша

0
263

Қазақша тақпақ: Балабақша казакша Қазақша тақпақ: Балабақша на казахском языке

Мен бақшаға барамын,
Ойнаймын ән саламын.
Тәрбиеші әпкелер,
Досы барлық баланың.



Балабақшам базарлы үй
Қаладағы ажарлы үй
Күлкісі бар шуақты,
Өз үйіміз сияқты


Маңғыстау облысы, Қарақия ауданы, Құрық селосы
«Құлыншақ» балабақшасы «Жұлдыздар» тобы
Назархан Аягоз Саламатқызы 5 –жаста
Жетекшісі: Шыңғысбай Балжан Сағатбекқызы


Балабақаша үйіміз
Сені жақсы көреміз
Үлкен болып өскенде
Еске алып жүреміз

Тәрбиеші апайым
Болдың бізге анамдай
Ақ жүзіңнен шуақ шашып
Мейірім төгіп тұрғандай


Балабақша жыры (Біздің қала әуенімен)

Біз кішкентай бүлдіршінбіз
Бақыт сыйлар ұл мен қызбыз
Қуанышты көңіл сыйлар
Мерекеге қош келдіңіз
Бақшамыз бар таң қалдырар
Өнерімен тамсандырар
Бүлдіршінбіз жан шуақты
Ән мен жырдан нәр алдырар


Құлыншаққа келіңіздер
Кереметін көріңіздер
Бақшамызды көркейтуге
Үлес қоса біліңіздер


Күлімдеген күн нұрындай
Тәрбиеші анамыздай
Білім менен тәрбиенің
Ордасына айналғандай
Бақшамыздың мақтанышы
Биік ұстар ар намысты
Біз балдырған ұландармыз
Шырқайтұғын ән мен жырды.