Қазақша сценарий: Кел, Жаңа жыл төріме

0

Сарыбастау ауылындағы орта мектеп
Кел , Жаңа жыл төріме!
Дайындаған Ералиева Г.Б.
Сыныбы: 7-8
Сарыбастау ауылы -2015

Тақырыбы: Кел , Жаңа жыл төріме!
Түрі: топтық жарыстар

Қатысушылар: 7-8 сынып оқушылары
1-жүргізуші: 7-сынып оқушысы Жұматай Аян
2-жүргізуші: Ізімхан Айғаным
Жаңа жылдық әуен ойналып тұрады
1-жүргізуші:
Уа, халайық құрметті,
Көмейіме жыр кеп тұр
Жаңа жылды қарсы алып,
Өткізейік дүрмекті
Уа, халайық той бүгін
Бақыт, шаттық мол бүгін
Қарсы алайық Мешін жылды
Ұзатып сап Қой жылын.

2-жүргізуші :
Көңілде көп қуаныш
Әр көңілде-жақсылық
Кетер жылға мың алғыс
Әкелген көп жақсылық

1-жүргізуші : Құрметті қонақтар,ұстаздар мен оқушылар!.Келе жатқан Мешін жылы мерекесімен құтықтаймыз. Жаңа жыл тек қана бақыт, қуаныш әкелсін. Кешімізді әнмен сүймелдей отырып, бәріміз ортаға шығып би билеп, көңілімізді бір сергітіп алайық.
Ән « Жаңа жыл».Айғаным
2-жүргізуші : Жаңа жыл –ең қызықты,қуанышты, ерекше мереке. Мен қазір сіздерге жаңа жылдық тәттілер ұсынамын.Осы тәттілер бойынша топтарға бөлінеміз. (Баллға жиналған оқыушылар конфеттер алу арқылы төрт топқа бөлінеді.Олар өз топтарына ат қояды)
Аталған топтар ортаға шығасыздар, әр топ шыққан сайын басқа топтарға , жаңа жылдық қошемет білдіресіздер.
1-жүргізуші: балалар кешіміздің сәні Аяз ата мен Ақшақар жаңа мектептеріңе жеттік деп хабар беріп еді,әлі жоқ қой. Мектебіміз үлкен адасып жүрген шығар.
2-жүргізуші: Дұрыс айасың .Жаңа жылымыздың сәнін келтіретін аяз ата мен ақшақарды іздеп , тауып алып келу керек. Төрт оқушы ортаға шықсын. Олар тез арада Аяз ата мен Ақшақарды тауып келу керек.Уақытымыз шектеулі, сіздерге 10 минут уақыт беріледі. Ал жолдарыңыз болсын, іске сәт достар.

2-жүргізуші:
Қандай тату өздері
Күлімдеп көздері
Кәне, кәне , келіңдер
Бір би билеп беріңдер.
Ортаға Аяжанды жаңа жылдық әнімен ортаға шақырамыз. Ал қалғандарымыз ортаға шығып билейік.
1-жүргізуші: Рахмет достар. Біздің банағы межелеген уақытымызда таяды, ал біздің барлаушыларымыз қайда екен?( Іздеп кеткен оқушылар келеді. Біреуі айқайлап айтады)
2-жүргізуші: Міне, міне, мен жақсы хабар естіген сияқтымын. Сіздер ше?
( Тапқан баланың сөзі: Мен таптым! Мен таптым! Біздің кешіміздің құрметті қонақтарын алып келе жатырмын.)
1-жүргізуші: Мінекей біздің көптен күткен қонақтарымызда келеді. Олай болса қонақтарымызды қошеметпен қарсы алайық.
2-жүргізуші: Бәріміз бірге «Аяз ата, Ақшақар» деп оларды ортамызға шақырайық.
Аяз ата: Амансыңдар ма, балалар! Жаңа жылдарыңыз құтты болсын! Дендеріңіз сау болып, сабақтарыңызды тек қана 4-пен, 5-ке оқыңыздар! Біз сіздердің жіберген хаттарыңызды алып, естіген бойда жолға шығып, сіздерге де келіп қалдық.
Ақшақар: Саламатсыздар ма, балалар! Орманды көктей өтіп жеттік-ау сендерге! Қандай әдемі, неткен сұлу шырша!Өздерің де жайнап құлпырып тұрсыңдар.
Аяз ата: Біз сіздерге жеткенше біраз шаршапта қалдық.Мектептерің үлкен екен.Енді бізге қай төрден орын табылады екен?
1-жүргізуші:
Ортамыз нұрға толып,
Төрт құбыламыз түгел болды.
Қош келдіңіз Аяз — Ата ,
Қарсы аламыз орын беріп .
Ән салыңыз бізбен бірге ,
Би билеңіз бізге еріп.
2-жүргізуші: Аяз ата Ақшақар сіздер алыстан шаршап келіпсіздер.Мына орындыққа отырыңыздар. Бүгін балалар өз өнерлерін сізге көрсетеміз деп құлшынып келіп отыр .
1-жүргізуші. Аяз ата ,олар топтарға бөлініп, білектерін сыбанып бір-бірімен әзіл-қалжыңмен, ойындармен және ән айтып ,би билеп жарысамыз деп отыр.
2-жүргізуші: Иә, Ата сіздер осы ойынның әділ бағасын беретін қазы болып берсіңіздер.
Аяз ата: Жарайды балам, бізде сендердің өнерлеріңді тамашалауға келіп отырмыз.Құп болады балам,құп
2-жүргізуші: Аяз ата, Ақшақар достарымыздың сіздерге арнап дайындаған өнерлерін тамашалаңыздар.
1-жүргізуші:
Жаңа жылда алдағы
Көңіл өсіп кеңейсің.
Ортақ ойы, арманы
Жақсы дәстүр көбейсін- дегендей кешіміздің шарты бойынша өнер көрсетуді бастаймыз.
2-жүргізуші: Көңілді кешімізді жарысымыздың алғашқы сайысын бастаймыз.
1. Жаңа жылдық тілектер сайысы
Әр топтан бір оқушыдан ортаға шақырамыз. Олардың әрбіреуі ауызына бір пряниктен салып кезекпен жаңа жылдық тілек айтуы тиіс.
1-жүргізуші:
Ал, халайық, тұрмайық
Әндетейік, жырлайық
Ортамызды ашайық
Ырыс тілеп бұл жылға
Ойыннан шашу шашайық!
2 жүргізуші: («Учать в школе» әнінің музыкасы қысқаша түрде ойнатылады да өшіріліп тастайды)
-Достарым, бұл қандай ән?
-Иә, достар ендеше кешіміздің келесі жарысын бастайық .
Әр топтан бір оқушыдан ортаға шықсын .Бұл байқауымыздың аты « Әліппе» деп аталады.
2. « Әліппе» жарысы
1-Жүргізуші: «Бәріміз сауаттымыз, дегенмен әліппені білеміз бе?» — дейді. Ойыншы «А» әрпінен бастап, әліппе бойынша әрі қарай қысқа құттықтау тіркестер айтады. Мысалы, А – Ақшақардай сұлу болайық. Ә – Әрбір үйге Жаңа жыл қуаныш әкелсін. Б – Бақыт тілеймін. Ең күлкілі тіркес айтқан ойыншы жеңімпаз атанады. Бұл ойында топтағы балалардың барлығы қатысады.Олар кезекпен кезек шығады.

2-жүргізуші: Ал енді кезекті келесі ойынға береміз. Бұл ойын «Басам» деп аталады: үрленген шарды тобыққа байлау керек. Ойын мақсаты: өз шарыңды жарғызбай, басқанын шарын жару. Енді ортаға әр топтан бір ұл бала шықсын.

1-жүргізуші: 7-сынып оқушыларының орындауында жаңа жылдық би
1-жүргізуші: Әр топтан бір-бір адамнан шығып мына сандықтағы әр түрлі сөздер жазылған қағаздарды алады. Топ болып ойланып , сол сөздерді қорғап шығуларың керек. Қағазда жазылған сөздерден ән құрастырып,би билейсіңдер. Соңында Аяз ата мен Ақшақардың үлкен қошеметіне ие болған топ жеңімпаз атанады. Бастайық!!!!
Ән: 1. Жаңа жыл 2. Мектеп 3. Арман 4. Ана
Би: 1. Үнді биі 2. Ламбада 3. Лезгинка 4. Сыған биі

2-жүргізуші: Тағы да әр топтан екі адам шықсын. Сендерге салфеткадан қар қию керек, кім бірінші сол жеңімпаз. Ойыншыларымызды ортаға шақырамыз, 1 минут уақыт беріледі. Тез және әдемі қар жасаған ойыншыларға сыйлық беріледі.Бірақ қатысатын екі ойыншының бірінің оң қолы, бірінің сол қолы байланады. Жарысты бастайық,1,2,3!
(Жаңа жылдық ән)
1—жүргізуші: Соңғы конкурс .Мерекеден кейін өте көп қоқыс қалады, ендеше сіздердің алдарыңызда тұрған мақсат жерде жатқан қиылған қағаздарды боклашкаға толтыру керек. Қай топ ең көп қағаз қоқыстарын жинайды сол топ жеңімпаз атанады. Уақыт 3 минут. Ортаға әр топтан бір ойыншы шықсын.
2-жүргізуші: Аяз ата,Ақшақар бүгінгі ойынымызды аяқтадық. Ендігі сөз өздеріңізде.
Ақшақар: Балалар барлығыңызда өнерлі екенсіздер.Кішкене бойымызды сергітіп би билеп алайық. Ендеше бізбен бірге әсем шыршамызды айналып би билейік.
Аяз ата: Жарайсыңдар балаларым! Meнi бүгін бip куантып, алыс жерден шаршап келгенде көңілімді көтердіңдер. Барлықтарың да ақылды, білімде де өнерлі екенсіңдер.
Топтар аяз ата мен Ақшақармен билейді.
Аяз ата : Ал енді біз жолға шығайьқ. Бізді басқа да сендер сияқты балалар да күтіп отыр. Тағы да жаңа жылдарыңыз құтты болсын! Енді ойындарымыздың қорытындысын шығару керек емес пе?
Ақшақар: -Иә, ата балалар түгел өнерлі екен.Олай болса балалардың достығы жеңді демейміз бе?Бәрі шетінен өнерлі екен.
Аяз ата. Иә, ботам сенімен келісемін,Бізді де көптеген балалар күтіп отыр .Оларға да баруымыз керек .
Ақша қар: Сау болыңдар, балалар!
Аяз-Ата:Қош сау болыңдар балалар!
1-жүргізуші: Ендігі кезекте Жаңа – 2015-ші жылдың Ханзадасы мен Ханшайымын анықтайтын кез де келді. Бүгінгі кештің қонақтарына бір-бір жапсырмадан беріп шығамыз. Бұл жапсырмаларды қыздар осы кеште ұнатқан жігіттеріне, ал жігіттер ұнатқан қыздарына жапсырады. Ең көп жапсырмаларды жинаған жігіт пен қыз Жыл Ханзадасы мен Ханшайымы атанады. Ал қазір жапсырмаларды тарата берейік.(Ханзада мен Ханшайым анықталған соң)
2-жүргізуші: Сонымен Бұл кештің Ханшайымы……… және Ханзадасы……… атанды. Қане қошемет білдірейік.
2-жүргізуші: Жаңа жыл, жаңа жыл.
Қалауын тап, қар үстіне қада гүл,
1- жүргізуші: Жаңа жыл, жаңа жыл.
Сан тілектің бастамасы ғана бұл.
2-жүргізуші : Кел жаңа жыл, игілік боп, иба боп
Жер бетіне кереметті жина көп
1-жүргізуші: Ақ қауырсын қанатына қайғы емес
Түтін емес, рауан нұры жинап от.
Жаңа жылдарың құтты болсын!
2-жүргізуші: Жүздерің әрқашан жарқын, көңілдерің шат, өмірлерің думанға толы болсын.
1-жүргізуші: Жаңа жыл шаттығы мәңгілік тарқамасын! Осымен думанды кешімізді тәмамдап, әрі қарай би кешімізбен жалғастырайық!