Қазақша өлең: Жамбыл Жабаев (Өсиет)
![](https://kznews.kz/wp-content/uploads/2018/11/c4ca4238a0b923820dcc509a6f75849b-6.jpg)
![Қазақша өлең: Жамбыл Жабаев (Өсиет) казакша Қазақша өлең: Жамбыл Жабаев (Өсиет) на казахском языке](http://www.zharar.com/uploads/posts/2016-01/1452527038_0_1_pabithik_v_almaty.jpg)
Ой-хой, дүние серуен!
Адам бір көшкен керуен.
Дүниені қызық қалдырып,
Асамыз өмір белінен.
Кірсе лебіз — шықса жоқ,
Қауіп етіңдер өлімнен.
Қылышбайдан таралып,
Сөз нұқсасы келінген.
Дос-жаранға, кемтарға
Қайырлы бол делінген!
Қылған қайыр болмаса,
Не әкетесің өмірден?!
Дәулетіңнен не пайда
Таусылмастай көрінген?!
Жалғыз мұраң сол болар —
Қол қайырың берілген.
Басқа дүние бірі де
Көмілмейді кебінмен.
Көп қарға тең келмейді бір сұңқарға,
Көп жылқы тең келмейді бір тұлпарға.
Жақсының әрқашанда жөні бөлек,
Жаман адам жарамас бір қымтарға.