Қазақша өлең: Серікбай Маханов (ҚАЙТАДАН ТУЫЛАДЫ)

Сарғайған жапырақтар түсіпжатыр ,
Тапталып жер бетінде шіріп жатыр .
Құйын кеп сай – саланың төңірегін
Аралап піспегімен пісіп жатыр .

Уақытпен өз керегін санап алды ,
Таңбасын сұлулықтың таңдап алды .
Көйлегін шешіндіріп тал біткеннің
Табиғат көріктерін тонап алды .

Бүлкілдеп бал – бұлақтар сыңғырлайды ,
Жағадан қыз әуенін күз таңдайды .
Сәлемін естігендей сағыныштың
Мұңайып гүл қурайды , сылдырлайды .

Жаңбыр боп шаң – топырақ суырады ,
Бар аймақ көк суына жуынады .
Үзілген жапырақтар келер жылға
Қайтадан бүршік жарып туылады .