Қазақша өлең: Серікбай Маханов (АЖАРЫ СҰЛУЛАНЫП)

0
58

Қазақша өлең: Серікбай Маханов (АЖАРЫ СҰЛУЛАНЫП) казакша Қазақша өлең: Серікбай Маханов (АЖАРЫ СҰЛУЛАНЫП) на казахском языке

Ажары сұлуланып келді көктем ,
Диқанның иығында зілді кетпен .
Аңсары кең даланың бір жасарып
Ақынның жүрегінен жырды төккен .

Аспанның арасынан көшкен бұлттар ,
Уілдеп желдей есті – неткен тұлпар .
Тіршілік Наурызбенен табыстырды
Өмірді адамзатқа етіп құштар .

Ұйқыдан көк жасыл шөп оянады ,
Қырларда қызғалдақтар боянады .
Күн шықса ұясынан жайма шуақ
Мөлдіреп таң шапағы таралады .

Аққулар айдын көлде жүрсе жүзіп ,
Шаттық күн нұр бөлейді белгі тізіп .
Наурызын сағындырған талай жанға
Көктем ғой гүл ашатын келсе күліп .

Рахмет ретінде жарнамалардың біреуін басуды сұраймын!