Қазақша өлең: Серікбай Маханов (АЖАРЫ СҰЛУЛАНЫП)

Аспанның арасынан көшкен бұлттар ,
Уілдеп желдей есті – неткен тұлпар .
Тіршілік Наурызбенен табыстырды
Өмірді адамзатқа етіп құштар .

Ұйқыдан көк жасыл шөп оянады ,
Қырларда қызғалдақтар боянады .
Күн шықса ұясынан жайма шуақ
Мөлдіреп таң шапағы таралады .

Аққулар айдын көлде жүрсе жүзіп ,
Шаттық күн нұр бөлейді белгі тізіп .
Наурызын сағындырған талай жанға
Көктем ғой гүл ашатын келсе күліп .