Қазақша өлең: Мұқағали Мақатаев (Ескі жұртта)

0
56
Advertisement

Қазақша өлең: Мұқағали Мақатаев (Ескі жұртта) казакша Қазақша өлең: Мұқағали Мақатаев (Ескі жұртта) на казахском языке

Айтсаңшы, көке-ау, қай маңда,
Орны менің үйімнің?
Қанып ең талай айранға,
Қолынан әжем Тиынның.
Орны қайда үйімнің?
Айтсайшы, көке-ау, қай маңда,
Мекені туыс, бауырдың?
Аттанған өзің майданға,
Орны қайда ауылдың?
Қай маңда, көке-ау, қай маңда,
Көрсетші біздің көшені?
…Пішені піскен жайлауда,
Сап-салқын самал еседі.
Жұрттарын іздеп қауымның,
Уақыт біраз текке өтті.
Орнына ескі ауылдың,
Жоңышқа шығып, көктепті.
Атыздарға арық боп,
Өзгеріп кеткен жылға да.
Өзгерістерге қарық боп,
Өзгермей тау тұр бір ғана.
Қай маңда еді?!
Қай маңда?!
(Екеуміз бірдей аңырдық)
Ескі жұрт – қазір жайлау да,
Жан-жағы шалғын, шабындық…

Ең соңғы жаңалықтарды KzNews.KZ телеграм каналынан оқи аласыз! Телефоныңызға тікелей келетін ақпаратқа жазылыңыз. 

 
Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз