Қазақша өлең: Мақпал Мыса (Сүттей түн)

Сүттей түнде сүттей тұнық ақ арман,
Мөлдір тамшы ыршып түсер жанардан.
Тірліктің де тоқсан тарау жолдары
Менің қара шашымдай боп таралған,

Тіршіліктің құяр кезде қалыбын,
Тербетсін деп түнді қойды ау тәңірім,
Шабытыма шырақ етсем қайтеді,
Жарқылдаған жұлдызыдардың жарығын?…

Бағың ашар бақытыңның құт кейпін,
Өмір кейде ән секілді бітпейтін…
Қанатынан сәуле дейтін бір құстың
Сырғып түсіп бара жатыр сүттей түн.