Қазақша өлең: Көтеш ақын (Арқа ойылдың құба жөн түсер қақтар) » ZHARAR

0

Қазақша өлең: Көтеш ақын (Арқа ойылдың құба жөн түсер қақтар) казакша Қазақша өлең: Көтеш ақын (Арқа ойылдың құба жөн түсер қақтар) на казахском языке

Арқа ойылдың құба жөн түсер қақтар,
Су ішуге сол қақты құлан жақтар.
Атадан алтау, жетеу туғанменен,
Соның ішінде біреуі-ақ сүтін ақтар.
Ай қараңғы, күн бұлт, түн демеңіз,
Біреу жарлы, біреу бай, күндемеңіз.
Ата тілін алмаған арам ұлды
Аузы түкті кәпірден кем демеңіз.
Ай қараңғы, күн бұлт, түн демеңіз,
Біреу жарлы, біреу бай, күндемеңіз.
Ата тілін сыйлаған адал ұлды
Хат оқыған молдадан кем демеңіз.
Балаңа ұрса берме таз болса да,
Малыңды сол бағады аз да болса.
Жұмыскер есіктегі тынышы кетер,
Қожайын түрде отырған қазба болса.

Рахмет ретінде жарнамалардың біреуін басуды сұраймын!

Дереккөз: zharar.com