Қазақша өлең: Бақытгүл Бабаш (Мына сұп-сұр жер бетіне….)

0

Қазақша өлең: Бақытгүл Бабаш (Мына сұп-сұр жер бетіне....) казакша Қазақша өлең: Бақытгүл Бабаш (Мына сұп-сұр жер бетіне....) на казахском языке

Мына сұп-сұр жер бетіне,
Тәнді ғана қалдырып,
Түнгі аспанда тербетілген,
Ақша бұлттар арасында —
Жан құмарын қандырдық.
Тек екеуміз сезінетін
Ғажайып күй көңілде.
Енді қайтып түспейікші биіктен.
Енді қайтып келмейікші өмірге!!!

Енді қайтып… қиянаттың мекені
Қара жерге қонбай қалсақ не етеді?
Қол ұстасып құс жолына барайық.
Өлең өпкен жанымызды,
Алтын Айдың сәулесіне малайық.
Ал со — нан соң…
Тек екеуміз көре алатын қанаттармен,
Ақ бұлттан да әрі ұшып.
Жұлдыздардың жүрегіне,
Жыр жазамыз жарысып.
(Сізді қайдам,
Мен —
Шар-ша-дым!!!
Орындалмас армандармен алысып).

Рахмет ретінде жарнамалардың біреуін басуды сұраймын!