Қазақша Ашық сабақ: Тілдер күні (Тіл дамыту – ой дамыту | 5 сынып)
Сабақтың мақсаты:
Білімділік: Оқушылардың білімдерін жинақтау, өз ойларын жинақы көркем тілмен жеткізе білуге дағдыландыру.
Дамытушылық: Оқушыны тапқырлық, ізденімпаздық қасиеттерге жетелеу,түрлі ойындар арқылы оқушының ойын дамыту.
Тәрбиелік: Тіл құдіретін сезіне білуге, оны құрметтей білуге, еңбексүйгіштікке тәрбиелеу.
Сабақ жабдығы: интерактивті тақта, суреттер, тірек сөздер, тест, өлең шумақтары.
Сабақ әдісі: ойтолғау, сұрақ – жауап, топпен жұмыс.
Сабақ түрі: сайыс сабақ .
Сабақ барысы:
І. Ұйымдастыру кезеңі
ІІ. Үй тапсырмасын сұрау
«Абай – дана , Абай – дара халықта» тақырыбы бойынша әр топтың тапсырмасын тексеру
ІІІ. Өткен тақырыпты тиянақтау
ІV. Жаңа сабақ.
а) Кіріспе
Балалар, бүгінгі тіл дамыту сабағында «Ынта», «Жігер», «Білім» топтары түрлі ойындар арқылы өзара білім сайысына түседі.
Қай топтың білімді, тапқыр, жылдам екендігі сабақ соңында белгілі болады. Ендеше, білім деңгейімізді көрсете білейік .
Сайыс бірнеше бөлімнен тұрады.
«Кім білгір »
Сайыстың бұл түрінде мен тақта арқылы суреттер көрсетемін, сол суреттерге қатысты мақал-мәтел айтамыз. Әрбір оқушының жауабы, сол топқа бір ұпай болып қосылады. Ендеше, іске сәт !
2.Ой толғау. «Отан – менің ата-анам»
Тірек сөздер: Отан, ана, бейбітшілік, соғыс, балалық. Осы сөздерді пайдаланып, ой толғау.
3. «Сиқырлы дөңгелек» ойыны
Берілген дөңгелектегі әріптерден белгілі сұраққа жауап беретін сөздер табу.
