Қазақша Ашық сабақ: 14 Наурыз — Көрісу күні (Көрісу айты)
Ашық сабақтың тақырыбы: «Көрісу айты»
Білім беру саласы: «Қатынас»
Ашық сабақтың мақсаты: Баланы жан-жақты дамыту. Балаға ұлттық тәлім-тәрбие беру. Өз ұлтының салт-дәстүрлерін ұстанып,қадірлеуге тәрбиелеу. Балаларға қоршаған әлемнің тұтас бейнесін адамдар мен табиғат әлемінің арасындағы өзара байланыс пен тәуелділігін түсінуін қалыптастыру. Қоршаған әлемге деген қызығушылығын арттыру, оны зерттеу үдерісі барысында танымдық құзызерттілігі қалыптастыру әрі дамыту.
Ашық сабақтың түрі: Сұрақ-жауап.
Өту барысы: Өткен сабақты қайталау
Саламатсыздарма балалар!
Балалар бүгін жылдың қай мезгілі? (Балалардың жауабы Көктем)
Көктем мезгілінде неше ай бар? (Балалардың жауабы)
Қазір көктем мезгілінің қандай айы? (Балалардың жауабы)
Өте жақсы. Наурыз айында қандай мейрамдар болады? (Балалардың жауабы)
Жаңа сабақ: Балалар наурыз айының 14-ші жұлдызында қасиетті «Көрісу айты» мерекесі бар. Бұл күн өте қасиетті ай. Алысты жақындатып, өкпе-реніжді тарататын күн.
Бір-біріне қарызын,борышын таратып,бір-бірін кешіретін күн.
“Көрісу айтын” Қазақстанның батыс аймақтарында ғана,яғни біздерде тойлайды,
14- наурыз жыл басы деп санаймыз, ал қалған елдімекендерде “Ұлыстың ұлы күні” 22-наурызда күн мен түн теңеліп, жаңа жылды тойлайды.
Көрісудің ережелері:
1. Екі қолдап
2. Төс тақасып
3. Бір жасыңмен немесе жаңа жылыңмен деген тілектер тілеу
4. Ең алдымен үй ішімен,отбасымен көрісу
5. Көршілермен,тума-туыспен көрісу
Сурет арқылы жұмыстану. Балалардан көрісудің түрлерін сурет арқылы сұрау.
Сергіту сәті: Көрісу түрлерін қайталау
Көрісу айтында атқарылатын істер:
1. Бір күн бұрын үй ішін жинап,киім кишектерді жуып қою
2. Түрлі тәтті тағамдар дайындап қою
3. Сандықта тұрған жаңа заттар мен киімдерді сыртқа шығарып жаю “Жаңа заттар,жаңа киімдерде жаңа жылды көруі тиіс” деген ырыммен
4. Үй ішін безендіріп,дастархан жайып қонақ күтіп және үлкен кісілерге барып сәлемдесу
“Көрісу айты”
“Көрісу айтын” бүгін біздер өз шаңырағымызда,үлкен әжеміздің қасында қарсы алып,дастархан жайып,қонақ күтіп қарсылап отырмыз.
Үйдің үлкені,қамқоршысы,тірегі әжемізден бата сұраймыз
Ашық сабақты қорытындылау: Балаларға қорытындылау сұрақтарын қойып, сұраққа толық жауап беруін талап ету.
1. Көрісу айты қандай мейрам?
2. Оны кімдер тойлайды?
3. Көрісудің қандай түрлері бар?
4. Көрісу айтына қандай дайындықтар жүргіземіз?
Балаларды сабаққа жақсы қатысқандары үшін мадақтау.
