Қазақ тілінен сабақ жоспары: Сағат неше? (3 сынып, II тоқсан, 3 бөлім) » ZHARAR

Пән: қазақ тілі
Ұзақ мерзімді жоспар бөлімі: 3-бөлім «Уақыт»
Сабақ тақырыбы: Сағат неше?
Осы сабақта қол жеткізілетін оқу мақсаттары: 5.1 Грамматикалық нормаларды сақтау (лингвистикалық терминдерді қолданбау)
3.5.1.5 үлгі бойынша сөйлемдегі сөздердің орын тәртібін сақтап жай сөйлем және мұғалімнің қолдауымен құрмалас сөйлем құрастыру
Сабақ мақсаттары:
Оқушылардың барлығы:
Үлгі бойынша сөйлемдегі сөздердің орын тәртібін сақтайды, мұғалімнің қолдауымен жай сөйлем және құрмалас сөйлем құрастырады.
Оқушылардың көпшілігі:
Сөйлемдегі сөздердің орын тәртібін сақтайды, жай сөйлем және құрмалас сөйлем құрастырады.
Оқушылардың кейбірі:
Жай сөйлем және құрмалас сөйлем құрастыруда тілдік нормаларды сақтайды.
Сабақ барысы: Ұйымдастыру кезеңі
Сәлемдесу
Түгендеу
(Т) Үй жұмысын тексеру. «Сенің үйінде қандай сағат түрлері бар?» Әр топ коллаж жасап, әңгімелейді.
Қызығушылық туғызу
Сұрақ-жауап:
1. Бөлім қалай аталады? (уақыт)
2. Уақыт сөзінің синонимі? (сағат)
3. Сағат не үшін керек? (уақытты қадағалау үшін)
4. Алғаш сағат қай елде пайда болды? (Қытайда)
5. Сағаттың қандай түрлерін білесің? (қол сағаты …)
6. Сағаттың көрсеткіші нелер? (циферблат және тіл)
7. Сен сағатты танисың ба? (ияжоқ)
8. Қалай ойласың, бүгінгі сабақ қалай аталады? (сағат)
Бағалау: смайлик
Сабақтың мақсатымен таныстыру:
 сөйлемдегі сөздердің орын тәртібін сақтаймын;
 жай сөйлем және құрмалас сөйлем құрастырамын.
Мағынаны тану
Жаңа сөздер
(ЖЖ) Сөздерді сурет арқылы меңгерту.
Қалды
16:45 – сағат беске он бес минут қалды (қалғанда)
кетті
11:15 – сағат он бірден он бес минут кетті (кеткенде)
жарым
14:30 – сағат екі жарым (жарымда)
Грамматикалық қоржын
(Ұ, МК) Сұраулы сөздерді есте сақта!
Қашан? Неше? сұрақтары уақытты, санды анықтағанда қолданады.
Мысалы:
Тапсырманы қанша уақыт орындадың? (екі күн, екі сағат)
Сағат неше болды? (сағат он болды)
1-тапсырма:
(Т) Берілген сағат уақытын сөйлеммен сөйлет.
1-топ:
08:15 –
09:20 –
11:05 –
20:20 –
2-топ:
08:45 –
09:55 –
11:35 –
20:50 –
3-топ:
08:30 –
09:30 –
11:30 –
20:30 –
 Топпен бірлесіп жұмыс жаса.
Бағалау
Топтар сағат тілімен бір-бірінің жұмысын (+), (-) белгімен тексереді.
Кері байланыс
Тапсырма қызықты болды ма? Неге?
2-тапсырма:
(ЖЖ) Сөйлемдерді дұрыс құрастырып айт.
1. оянамын мен таңертең жетіде сағат ұйқыдан
2. беті-қолымды сағат минут жетіден бес кеткенде жуамын
3. сағат таңғы жеті асымды жарымда ішемін
4. минут сағат сегізге барамын бес қалғанда мектепке
Жауабы:
Мен таңертең сағат жетіде ұйқыдан оянамын.
Сағат жетіден бес минут кеткенде беті-қолымды жуамын.
Сағат жеті жарымда таңғы асымды ішемін.
Сағат сегізге бес минут қалғанда мектепке барамын.
 Сөздердің орын тәртібін сақта.
Кері байланыс
Тапсырма қиын болды ма? Неге? ….