Қазақ әдебиетінен сабақ жоспары: Абай Құнанбайұлының жетінші қарасөзі (6 сынып, II тоқсан ) » ZHARAR

Пән: Қазақ әдебиеті
Ұзақ мерзімді жоспар бөлім: Абайды оқы, таңырқа!
Сабақтың тақырыбы: Абай Құнанбайұлының жетінші қарасөзі
Сабақ мақсаты: Әдеби шығармада көтерілген әлеуметтік-қоғамдық мәселені идеясы арқылы түсіндіру.
Сабақ барысы:
Қызығушылықты ояту кезеңі
Жетінші қарасөзді тыңда. Қандай ойлар айтылды?
Тыңдап болған соң жетінші қарасөздің мәтінін өздері оқиды. Жазбасымен салыстырады.
Абзацтар
Абзацтарда айтылған негізгі ой
Мағынаны тану кезеңі
1-тапсырма
Жас бала анадан туғанда екі түрлі мінезбен туады; біреуі, ішсем, жесем, ұйықтасам деп, ал біреуі; білсем, көрсем, танысам екен деп..
Ақын басымдылықты адамның қай мінезіне береді, не себепті? Дәлел келтір.
______________________
2- тапсырма
Дүние көрінген сырын түгендеп, білмесе де, орны болмайды.Білмеген соң, ол жан адамы жаны болмай, хайуан жаны болады.
Ақын пікірін қолдап немесе қарсы шығып пікір білдір. Жұпта талқыла. Ойыңды 4 сөйлем тәсілі арқылы жүйілі жеткіз.
4» сөйлем тәсілі бойынша жауап береді, бұл тәсіл оқушының ойын жинақтап, дәлелді сөйлеуге бағыттайды.
Төрт сөйлем
1. Пікір. Ақын көзқарасы туралы пікірін бір сөйлеммен айтады.
2. Дәлел. Пікірін бір сөйлеммен дәлелдейді
3. Мысал. Пікірін өмірмен байланыстырып, мысал келтіреді.
4. Қорытынды. Тақырып бойынша қорытынды шығарады
3- тапсырма
Автордың жетінші қарасөзінде айтқысы келген ойын өз сөзіңмен жаз.
_____________________
Бағалау дескрипторы
Қарасөзде көтерілген мәселені анықтайды 
Абзацтарда айтылған ойларды біледі 
Қарасөз идеясын таба алады 
Бұл тапсырма жұппен/топпен/сыныппен орындалады.
Мұғалім қолдауын қажет ететін оқушыларға арналған тапсырма:
«Білім емес, байлық жиғандар саны артып келеді» деген тақырыпта Абай ізімен қарасөз жазар болсаң, қандай сөз тіркесін пайдаланар едің? Он сөз тіркесін жаз…..