Өлең: Абай Құнанбаев (Талай сөз бұдан бұрын көп айтқанмын)

0

Өлең: Абай Құнанбаев (Талай сөз бұдан бұрын көп айтқанмын) казакша Өлең: Абай Құнанбаев (Талай сөз бұдан бұрын көп айтқанмын) на казахском языке

Талай сөз бұдан бұрын көп айтқанмын,
Түбін ойлап, уайым жеп айтқанмын.
Ақылдылар арланып ұялған соң,
Ойланып түзеле ме деп айтқанмын.
Қазақтың өзге жұрттан сөзі ұзын,
Бірінің бірі шапшаң ұқпас сөзін.
Көздің жасы, жүректің қаныменен
Ерітуге болмайды ішкі мұзын.
Жұртым-ай, шалқақтамай сөзге түсін,
Ойланшы, сыртын қойып, сөздің ішін.
Ыржаңдамай тыңдасаң нең кетеді,
Шығарған сөз емес қой әңгіме үшін.
Адасып алаңдама, жол таба алмай,
Берірек түзу жолға шық, қамалмай.
Не ғылым жоқ, немесе еңбек те жоқ,
Ең болмаса кеттің ғой мал баға алмай

Рахмет ретінде жарнамалардың біреуін басуды сұраймын!