Кейінгі палеолит

Кейінгі палеолит б.з.б 40-12 мың жыл арасында болған. Кейінгі палеолитте адамдар барлық құрлықтарды мекендеп, нәсілдерге бөліне бастады. Бұл заманда рулық қауым қалыптаса бастады. Адамдар топ-тобымен өмір сүре бастады:

Бір атаның балалары бірігіп бір руды құра бастады.

Адамдар тас пен ағаштан жасалған құралдарды бұл уақытта одан әрі жетілдіре түсті. Найза мен сүңгі көп пайдаланған.

Кейінгі тас дәуірінің соңында Жер планетасындағы климат өзгере бастады. Мұздықтар еріп ауа-райы жылына бастады. Температура көтерілген сайын, жасыл шөптің өсуіне қажетті су азая бастады.

Бұндай климат шөпті негізгі қорек ететің мамонттар үшін ыңғайсыз еді. Сөйтіп олар жер бетінен жойыла бастады, біздің заманымыздан 10 мың жыл бұрын олар толығымен жойылып кетті.

Қазақстан аумағындағы кейінгі палеолит тұрақтары

Қазақстан аумағында кейінгі палеолит дәуіріндегі тұрақтар — Орталық Қазақстанда (Семізбұғы, Батпақ, Қарабас, Ангренсор), Шығыс Қазақстанда (Бұқтырма, Шүлбі) және Онтүстік Қазақстанда (Ащысай, Жетісу, Майбұлақ) табылған.

Саналы адам

Кейінгі палеолитте адамдар бірігіп тұра бастады да бір-бірімен қарым-қатынастары жиіледі. Тіл және ми дамыды. Сөйтіп «саналы адам» пайда болды.

Саналы адамның алғашқы сүйектері Францияның Кро-Маньон үңгірінен табылған. Осы себептен саналы адамды «кроманьондық» деп те атайды.

Пән: Тарих