Қазақша мақал — мәтел: Тау | Тау туралы Мақал-мәтелдер (Пословицы на казахском языке) (О горе)

Асқар тау алыстан көрінеді.

Асқар таудай алып бол,
Әппақ күндей жарық бол.

Бұлбұлға бау жақсы,
Кекілікке тау жақсы.

Көрінген таудың алыстығы жоқ.
Табалдырықтан биік тау жоқ.

Тасты бассаң кетілер,
Сазды бассаң жетілер.

Тау айналмайды, тас айналады.

Тау бұлағымен сәнді,
Көл кұрағымен сәнді.

Тауға сүйенген таудай пәледен аман қалады.

Таудың биіктігін төбе аңғартады,
Маяның биіктігін көде аңғартады.

Тау кезеңсіз болмас,
Өлке өзенсіз болмас.

Таулы жер бұлақсыз болмас,
Сулы жер құрақсыз болмас.

Таулы жердің қыраны көп.

Тау мен тасты су бұзады,
Азаматты сөз бұзады.

Тауына қарай тоғайы,
Шошқасына карай торайы.

Асқар таудың өлгені — басын мұнар шалғаны.
Көктегі бұлттың өлгені — аса алмай таудың қалғаны.
Ай мен күннің өлгені — еңкейіп барып батқаны.
Айдын шалқар өлгені — мұз болып тастай қатқаны.

Асу бермес асқар жоқ.

Биік таудың басы қыс,
бауыры жаз.