Қазақша мақал — мәтел: Табиғат, табиғат құбылыстары

Адамның табиғатсыз күні жоқ,
Табиғаттың оны айтар тілі жоқ.

Табиғат жер байлығы, Батырлар ел байлығы.

Нөсер алдында найзағай ойнайды.

Күн күркіресе, көп дүркірер.

Күркіреген бұлттың жаңбыры аз.

Боранда күні ит пен бала құтырады.

Адам мен табиғаттың тілдескені — өмірдің үндескені.

Алпыс күнде тасыған су,
Алты күнде қайтар.

Жауынмен жер көгереді,
Батамен ел көгереді.

Жаздың бір күні, қыстың мың күні.

Ағаш жапырағымен, жер топырағымен.

Түз тағысы —
Табиғатпен тілдес.

Су аққан жерінен айнымас.

Қыстың көзі қырау.

Сәуір болса күн күркірер.

Сәуір болмай, тәуір болмас.

Жаңа айдан жақсылық.

Жел дауылды шақырады,
Бұлт жауынды шақырады.

Қыстағы қар — жерге ырыс,
Жердегі ылғал – елге ырыс.

Су табиғаттың ажары.

Таумен тасты су бұзар,
Ел арасын қу бұзар.

Жаңбыр бір жауса,
Терек екі жуады.

Ағаш тамырымен мықты,
Адам дос-жарымен мықты.

Су жетпейін демейді, жар жеткізбейді,
Ер жетпейін демейді, мал жеткізбейді.

Жазғытұрым жел
жардай атанды жығар.

Қаз келсе, жаз келер,
Қарға келсе қатқақ келер.