Абдумәжит Дулятов | өмірбаяны

Абдумәжит Дулятов (1949–2008) — 31 наурызда Алматы облысы, Шелек ауданының Байсейіт ауылында дүниеге келген. ҚазМУдің журналистика факультетін үздік бітірген. Онан соң бірнеше жыл ауыл мектебінде мұғалім, «Жазушы» баспасында редактор, «Коммунизм туғи» (Қазіргі «Ұйғыр авази») газетінде корректор, тілші, бөлім меңгерушісі, 1984 жылдан Бас редактордың орынбасары болды.

«Мен жиырмада» (1973), «Көктемнің қайтып келуі» (1976), «Адамға махаббат» (1980), «Туған жердің жыры» (1986), «Қанатты ойлар» (1986), «Ақ таңдар» (1990) атты өлеңдер жинақтары шыққан. 

1992 жылы Ұйғыр ауданы тағайындаған Илья Бахтия атындағы сыйлықтың лауреаты атанды. 

1993 жылы Алматы қаласында өткен түркі поэзиясы мүшәйрасының жеңімпазы.