Бүгін, 13:25
Шымкенттің Қайнарбұлақ тұрғын алабында болған жол апатынан 11 жастағы Нұрасыл қаза тапты. Марқұмның туыстары кінәлі жүргізушінің заң аясында қатаң жазаға тартылуын талап етуде, деп хабарлайды kznews.kz.
Оқиға кезінде бесінші сынып оқушысы қарындасымен бірге дүкенге бара жатқан. Куәгерлердің айтуынша, балалар белгіленген жаяу жүргіншілер өткелінен өтіп бара жатқан сәтте оларды арнайы техника қағып кеткен. Ауыр жарақат алған Нұрасыл оқиға орнында көз жұмды.
Полиция күдікті жүргізушіні ұстап, қылмыстық іс қозғады. Жүк көлігі айып тұрағына қойылған. Құқық қорғау органдары апаттың барлық мән-жайын анықтау үшін тергеу жұмыстарын жүргізіп жатыр.
Нұрасыл 2 маусым күні жер қойнына тапсырылды.
