Сарапшылардың болжамына сүйенсек, Президенттің 2025 жылғы Жолдауы елдің болашақ дамуына әсер ететін стратегиялық бағыттарға арналмақ. Атап айтқанда, цифрлық технологиялар мен жасанды интеллектіні мемлекеттік басқару мен экономикаға кеңінен енгізу мәселелері күн тәртібінде болады.
Сонымен бірге ішкі нарықты күшейту, өндірісте жоғары қосылған құнды өнім үлесін арттыру, азық-түлік, энергия және көлік қауіпсіздігін нығайтуға басымдық берілетіні айтылуда. Денсаулық сақтау, білім беру және экология саласындағы әлеуметтік реформалар да Жолдаудың негізгі өзегін құрайды.
Сарапшылардың пікірінше, Жолдау-2025 — елді теңгерімді әрі тұрақты даму жолымен алып жүруге бағытталған, әлеуметтік саясатқа ерекше мән беретін құжат болмақ.
