Әлеуметтік желілерде тараған видеода әуе кемесінде отырған адамдардың абыржып, дұға оқығаны байқалады. Куәгерлердің сөзінше, ұшақ әуеге көтерілгеннен кейін біртүрлі дыбыстар шыға бастаған.
«Жолаушылардың көпшілігі дұға жасап отырды, әйелдер жылады. Тіпті борт қызметкерлерінің өздері де қорқып қалғаны сезілді. Бір сәтте дауыс зорайтқыш арқылы ұшақтың далада мәжбүрлі түрде қонатыны айтылды. Стюардессаның дауысы дірілдеп, қорқыныш анық байқалды», – дейді оқиғаға куә болғандардың бірі.
Белгілі болғандай, ұшақ аспанға көтерілгеннен кейін шамамен 30–40 минуттан соң 10 мың метр биіктіктен бірден 3 мың метрге дейін төмендеп кеткен.
Еске сала кетейік, бұған дейін Air Astana әуе компаниясының ұшағы техникалық ақауға байланысты Ақтау әуежайына шұғыл қонғаны хабарланған еді.