Видеода неке қиылған соң имам қалыңдықтан мәһрге не қалайтынын сұрайды.
Қыз бастапқыда жасқанып, "айта берейін бе?" деп болашақ жарына қарайды. Күйеу жігіт әзілмен оның батылырақ сөйлеуін сұраса, имам да қалжыңмен: "Қаламым жазып жатыр, айта беріңіз", – дейді.
Сол сәтте қалыңдық еш мүдірместен: "Лексус автокөлігі" деп жауап береді. Бұл күтпеген жауапқа имамның өзі таңырқап қалған.
Желі қолданушыларының пікірі екіге жарылды. Бірі жас келіннің талабын орынсыз әрі дүниеқоңыздық деп сынаса, енді бірі мұны ерлі-зайыптылар арасындағы өзара келісім ретінде қабылдап, қолдау білдірген.
