21 желтоқсан, 2018
10 күннен кейін жаңа 2019 жыл да келіп жетеді. Жылдың соңғы мерекелік шараларына дайындық әлдеқашан басталып та кетті.
Шыны керек, жаңа жылдық кездесулер мен кештерге арналған көйлекпен үйлесе кететін кішкентай аксессуарды табу оңай емес. Әдеттегі геометриялық фигуралар пішінді клачтар қазір өте ескірген тәсіл екені анық, сондықтан осы маусымда оның орнына романтикалық дорба сөмкелер келді.
Christian Louboutin мен Paco Rabanne ұсынған мерекелік дорба сөмкелер арнайы түрлі түсті жылтырақтармен безендірілген. Сан қилы түсті трикотаждан жасалған жұмсақ модельдерді Nina Donis брендінен тапсақ, Chloe маркасы сөмкелері былғарыдан тігілген. Ең бастысы, бұл сөмкелерге сізге қажетті далап, парфюм, банк карталары, кілттер мен телефонға дейін түгел сыйып кетеді.
