Әкімдік таратқан мәліметке сәйкес, Арыс қаласының спортшысы Азамат Мақұлбеков бұған дейін V Дүниежүзілік Көшпенділер ойындарында алыптар сайысында жеңіске жетіп, ел абыройын асқақтатқан. Бұдан бөлек, ол 40 келілік қошқарды 3 555 рет отырып-тұрып көтеріп, Қазақстан рекордтар кітабына кірген болатын.
Бұл жолы спортшы жаңа белесті бағындырды. Ол «Медеудің» 842 баспалдағын 34 минут 28 секундта еңсеріп, қолындағы 100 келілік өгіз мүсінді шыңға дейін жеткізді. Осылайша оның жетістігі Қазақстанның КИнЭСК рекордтар кітабына ресми түрде тіркелді.
«Бұл еңбекқорлықтың, табандылықтың және ерік-жігердің жарқын үлгісі болды», – делінген ресми хабарламада.