Бүгін, 12:25
Осыдан шамамен 15 жыл бұрын түсірілген «Мен алдандым» бағдарламасының мұрағаттық видеосы әлеуметтік желіде қайта таралып, көпшіліктің қызығушылығын тудырды. Бұл жолы көрермен назарына продюсер Баян Алагузова қатысқан эпизод ілікті, деп хабарлайды kznews.kz.
Жоба ұйымдастырушылары Баян Мақсатқызын арнайы пранк арқылы сынап көрген. Сценарий бойынша, ол токқа түскендей болған электр маманын көріп, күтпеген жағдайға тап болады. Алайда қорқынышты көрініске қарамастан, продюсер абдырап қалмай, өзін қолға алып, барынша сабыр сақтауға тырысқан.
Кадрлардан Баян Алагузованың жағдайды тез бағалап, көмек көрсетуге ұмтылғаны байқалады. Бұл әрекеті желі қолданушыларының да назарынан тыс қалмай, көпшілік оның батылдығы мен адамгершілігін жоғары бағалап жатыр.
