Жангелдин ауылында қаза тапқан отбасы мүшелерінің бейіті тұрғызылды

Атырау облысы Жангелдин ауданының тұрғындары қаскөй қолынан қаза болған отбасы мүшелеріне арнап мәңгілік мекенін тұрғызды, деп хабарлайды Alash.kz.

Марқұмдарға құран бағыштау рәсіміне арнайы барған КТК телеарнасының журналисі Жанат Молдашова ауылдағы жағдай туралы жазба жариялаған.

Оның айтуынша, ауыл халқы мен туған-туыстары бірігіп, Мақсот Мұқанғалиев, жұбайы Нәсіп Өтешқалиева және олардың балалары Наурыз бен Мейрамгүлдің қабірін көтеріп, рухтарына құран бағыштаған.