23 желтоқсан, 2025
Ұлттық экономика министрі Серік Жұмангарин жаңа жылдан бастап зейнетақы мен әлеуметтік төлемдер 10% өсе өсетінін мәлімдеді, деп хабарлайды kznews.kz.
2025 жылы әлеуметтік шығындарға 6 трлн теңге бөлінсе, 2026 жылы бұл сома 6,8 трлн теңгеге, яғни қосымша 887 млрд теңгеге ұлғайтылады. Оның 636 млрд теңгесі тек зейнетақы мен әлеуметтік төлемдерді көбейтуге арналған. Министрдің айтуынша, жаңа бағдарлама зейнетақы мен төлемдерден бөлек, шағын және орта бизнесті қолдау, қайта даярлау арқылы жұмыспен қамтуды арттыруды да көздейді.
Сонымен қатар, әлеуметтік әл-ауқатты жақсарту үшін әлеуметтік маңызы бар тауарлардың бағасына бақылау орнату, денсаулық сақтау мен коммуналдық қызметтердің сапасын арттыру және халықтың шығындарын азайтатын немонетарлық қолдау шаралары қарастырылған.
Еңбекақы ЖІӨ құрылымында 31%-ды құрайды, яғни олар ЖІӨ өсімімен сәйкес өсіп келеді. Министр биыл Қазақстанның ЖІӨ-і алғаш рет 300 млрд АҚШ долларынан асуы мүмкін екенін, халықтың бір адамға шаққандағы табысы 15 мың долларға жету мүмкіндігін атап өтті.
