9 желтоқсан, 2025
Тикток қолданушысы "Барахолка" базарындағы жаңа жылдық безендіру әшекейлерін көрсетіп, өз ойын ортаға салды, деп хабарлайды kznews.kz Democrat.kz сайтына сілтеме жасап.
Бір қызығы «Байсат» базарында жағалай тізілген Жаңа жылдық бұйымдар арасынан Қытайдың мерекелік аспа шамдарын да көруге болады.
Автор жаңажылдық әшекейлерді, ойыншықтарды сатып алатындарды, оларды үйіне ілетіндерді қазақтың жауына теліді.
"Осыларға ақша құртып, жаңа жылды қарсы алам деп, үйлерін безендіретін қазақтар оңбайсыңдар! Сондайлар қазақтың жауы! Осыларды сатып алсаң, атаңа нәлет болсын!" деп қарғады ол.
Алайда, мұны естіген желідегі жұрттың пікірі әр түрлі.
«Арабтың да бүкіл мусорын алып келіп жатқандар бар. Олар да қазақтың жауы», «Біз жыл сайын шырша қоямыз. Кішкентайлар қуанып қалады, шырша күтеді. Өзіміз таза болсақ болды», «Жылына бір келетін, жыл ауысатын мейрам ғой. Неге жабысып қалды осыған? Жаңа жылды жақсы ниетпен, жақсы көңіл күймен күтіп аламыз ғой», – деді жұрт.
