Бүгін, 13:21
Белгілі композитор Қалдыбек Құрманәлі ақын Бекжан Әшірбаевтың қазасы жайлы әсерлі жазба жариялады, деп хабарлайды kznews.kz.
"Бекжан бауырым, кешір мені... Кешігіп қалдым...
Ауылда едім. Тасқұдықта… Ауа-райы +40 градус ыстықты көрсетіп тұрды… Жаралы жүрегімнен секем алып, күндіз-түні желдеткішті қосып, жан сақтап отырған кезім болатын…
Бекжан бауырым телефон шалды.
– Қал-аға, сіздің танымайтын дәрігеріңіз жоқ қой, мені ауруханаға жатқызбасаңыз, жағдайым күннен күнге қиындап барады, – деді…
– Уайымдама, 10 күннен кейін Алматыда боламын, жолығып, ақылдасамыз… Мықты, білгір дәрігерлерге өзім ертіп апарып, денсаулығыңды көрсетемін, – деген едім…
Бекжан бауырым, кешігіп қалдым... Кешір мені...
Жаралы жүрегім сыздап, ішім қан жылап тұр…
…Тағдырдың салған ісіне,Не істерсің, жаным, не істерсің?…
Бақұл бол, бауырым!.." – деп жазды Қалдыбек Құрманәлі.
