Бүгін, 10:47
Жамбыл облысында халықаралық іздеуде жүрген ерлі-зайыпты ұсталды, деп хабарлайды Polisia.kz.
Анықталғандай, 40 жастағы ер адам мен оның 45 жастағы жұбайы алаяқтық жолмен, түрлі сылтаулар мен сенімге кіру арқылы Астана және Семей қалаларының тұрғындарынан жалпы көлемі шамамен 200 миллион теңге қаржы жымқырған.
Жедел-іздестіру шаралары барысында күдіктілердің ұзақ уақыт бойы Жамбыл облысындағы елді мекендердің бірінде таныстарының үйінде жасырынғаны белгілі болды.
Қазіргі уақытта ұсталғандар уақытша ұстау изоляторына қамалып, тергеу амалдары жүргізіліп жатыр.
