Үсік шалған кезде не істеу қажет? - новости Казахстана
26.12.2018
16:06
0
3
Астана қаласының денсаулық сақтау басқармасы үсік шалған уақытта алғашқы көмек көрсету жолдары мен аяз кезінде адам өзін қалай сақтандыру керектігін түсіндірді. Бұл туралы Elorda Aqparat.
Көрнекі фото: oxu.az
Денсаулық сақтау басқармасының хабарлауынша, ең алдымен үсік шалу белгілері бар адамды жылы жерге жатқызып, аяқ киімі мен қолғабын шешу қажет. Сосын жедел жәрдем қызметкерлеріне хабарласқан жөн.
Үсік шалған кездегі қайдай алғашқы көмек берген дұрыс?
- І дәрежелі үсік шалғанда суықтаған тері қабатын қызарғанша жылы алақанмен жақсылап уқалау керек. Содан соң үрлеп, жүн матамен жылытып, үсіп қалған тұстың бәрін матамен таңып қойған дұрыс.
- ІІ-ІV дәрежелі үсік шалғанда жылыту, массаж, уқалау әдістерін қолданудың пайдасы жоқ.
Үсік шалған жерге жылу өткізбейтіндей етіп дәке таңу жақсы көмектеседі. Дәкенің үстінен бірнеше матаны жауып қоюға болады.
Үсік шалғанда не істеуге болмайды?
- Үсіп алған адамды жылыту оймен арақ-шарап ұсынуға болмайды.
- Зақымданған жерді қармен, маймен, спиртпен уқалауға рұқсат етілмейді.
- Ыстық ваннаға да түсіру де зақымданушының денсаулығына зиян тигізуі мүмкін.
- Науқасты жылыту мақсатында жанып тұрған оттың жанына жатқызуға да рұқсат жоқ.
Сіздің реакцияңыз
Спасибо за Ваше мнение
Вы уже голосовали
Тағы да оқыңыздар
(0)
Бұл жерде әлі ештеңе жоқ
