2026 жылы Ұлттық бірыңғай тестілеуден (ҰБТ) өту үшін талапкерлер жинауы тиіс ең төменгі шекті балл белгілі болды, деп хабарлайды kznews.kz.
Бұл туралы Ұлттық тестілеу орталығы мәлімдеді.
ҰБТ форматы бұрынғыдай 5 пәннен тұрады:
– 3 міндетті пән және 2 бейіндік пән.
Әр пән бойынша тапсырмалар мен шекті балл төмендегідей:
Математикалық сауаттылық – 10 сұрақ, шекті балл – 3;
Оқу сауаттылығы – 10 сұрақ, шекті балл – 3;
Қазақстан тарихы – 20 сұрақ, шекті балл – 5;
Бірінші бейіндік пән – 40 сұрақ, 50 балл, шекті балл – 5;
Екінші бейіндік пән – 40 сұрақ, 50 балл, шекті балл – 5.
Барлығы 120 тапсырма, тестілеуге 4 сағат (240 минут) беріледі. Ерекше білім беру қажеттілігі бар түлектерге қосымша 40 минут уақыт қарастырылған. Тестілеу қағаз және электронды форматта өтеді.
Биыл қыркүйек айында Ғылым және жоғары білім министрі Саясат Нұрбек ҰБТ форматы жаңғыртылатынын мәлімдеген болатын. Оның айтуынша, ETS (Educational Testing Service) халықаралық ұйымының сарапшылары қатысатын жұмыс тобы құрылып, тестілеудің мазмұны мен әдістемесі түбегейлі жаңартылмақ.
Мақсат – функционалдық білім мен сыни ойлауды бағалау
Жаңартылған ҰБТ түлектің тек теориялық білімін емес, өмірлік және кәсіби дағдыларын, логикалық және аналитикалық ойлау қабілетін анықтауға бағытталады.
Толық ақпарат testcenter.kz сайтында жарияланады.
