Бүгін, 18:44
Танымал сатирик Уәлибек Әбдірайымовтың әлеуметтік желіде жарияланған жаңа видеосы көпшіліктің алаңдаушылығын туғызды. Өнер иесінің сырт келбетін көрген желі қолданушылары оның қатты жүдеп кеткенін байқап, денсаулығына қатысты пікір білдірді, деп хабарлайды kznews.kz.
Democrat.kz мәліметінше, сатирик үй ауласындағы тас төсеніштерді тазалайтын компанияның қызметін таныстыру үшін бейнежазба түсірген. Алайда оқырмандардың басым назары жарнамаға емес, Әбдірайымовтың қазіргі келбетіне аударылған.
Кейбір желі қолданушылары оның бұрынғыдан әлдеқайда арықтап кеткенін айтып, дауысындағы өзгерісті де атап өткен. Олар өнер иесіне жылы тілектерін жолдап, амандығын сұраған.
Сонымен қатар әлеуметтік желіде сатириктің денсаулығына қатысты түрлі болжамдар айтылды. Алайда бұл пікірлердің ешқайсысы ресми түрде расталған жоқ.
Қазіргі таңда Уәлибек Әбдірайымовтың денсаулық жағдайына қатысты өзінің немесе ресми өкілдерінің нақты мәлімдемесі жарияланбаған. Сондықтан желідегі болжамдарды расталған ақпарат ретінде қабылдауға негіз жоқ.
