Бүгін, 15:38
Түркістан облысында бюджет қаражатының тиімсіз жұмсалғаны белгілі болды. Жергілікті шенеуніктер сапасы талапқа сай келмейтін тұрғын үйлер үшін жүздеген миллион теңге төлеген, деп хабарлайды kznews.kz.
Жетісай аудандық прокуратурасы жүргізген тексеріс нәтижесінде мемлекеттік сатып алу аясында алынған 28 пәтердің ешқайсысы техникалық талаптарға сәйкес келмейтіні анықталды. Аталған үйлердің ішкі және сыртқы құрылыс жұмыстары толық аяқталмаған.
Соған қарамастан, бұл нысандар толық дайын деп қабылданып, мердігер ұйымға қаражат толық көлемде аударылған. Яғни, іс жүзінде аяқталмаған баспаналар үшін бюджеттен толық төлем жүргізілген.
Прокурорлық қадағалау актісінің нәтижесінде заңсыз жұмсалған 200 миллион теңге жергілікті бюджетке қайтарылды.
