26 тамыз, 2026
«Қазақтелеком» АҚ Түркістан облысындағы телекоммуникациялық желіні жаңарту жұмыстарын SWAP жобасы шеңберінде жүргізіп жатыр. Жоба бойынша алдағы екі жылда 13 105 абонентті мыс желілерінен оптикалық желіге көшіру көзделген. Бүгінде оның алғашқы нәтижелері байқалып, 827 клиент жаңа инфрақұрылымға ауыстырылды.
Жаңа желінің іске қосылуы облыстың шағын қалалары мен ауылдарындағы тұрғындарға интернетке неғұрлым тұрақты қосылуды және байланыс қызметтерінің сапасын арттыруды қамтамасыз етеді. Сонымен қатар оптикалық инфрақұрылым заманауи цифрлық қызметтерді пайдалануға кең мүмкіндік береді.
Инфрақұрылымды жаңарту жұмыстарын компанияның өз мамандары атқаруда. Олар аумақты зерттеу, кабель жүргізу, оптикалық талшықтарды дәнекерлеу, жабдықтарды орнату және желіні іске қоспас бұрын оның техникалық параметрлерін тексеру жұмыстарын толық көлемде жүзеге асырады.
Жобаның жүзеге асырылуына Төлеби ауданындағы Леңгір қаласын мысал ретінде келтіруге болады. Қалада қазірдің өзінде 416 оптикалық порт орнатылып, 52 абонент жоғары жылдамдықты интернетке қосылған. Жоба толық аяқталғаннан кейін мұнда барлығы 234 отбасы оптикалық желіге көшіріледі.
Жалпы, SWAP жобасы ел аумағындағы телекоммуникациялық инфрақұрылымды жаңғырту мақсатында өңірлер бойынша кезең-кезеңімен іске асырылуда.
