8 желтоқсан, 2018
Анкона қаласындағы түнгі клубта орын алған дүрбелеңнен 6 адам қаза тауып, 120 адам жарақат алды.
Фото: corriere.it
14:40 08.12.2018
Италияның шығыс жағалауында орналасқан Анкона қаласындағы түнгі клубта болған концертте кем дегенде алты адам қаза тапқан. Алдын-ала деректер бойынша, дүрбелең газ баллонынан шыққан газ болуы мүмкін.
«Лық толы түнгі клубта жалпы байбалам мен қыспақ кезінде 6 адам қайтыс болып, 120 адам жарақат алды. Оқиға Коринальдодағы Lanterna azzurra түнгі клубында болды», - дейді Corriere della Sera басылымы.
Reppublica басылымының жазуынша, қайтыс болғандардың бесеуі жасөспірім - екі бозбала және үш қыз, ал алтыншысы концертке қызымен келген әйел.
