17 шілде, 2025
Reuters агенттігінің мәліметінше, бұл бастама «Make America Healthy Again» — «Американы қайтадан сау етейік» атты ұлттық қозғалыс аясында қолға алынған. Қозғалысқа АҚШ-тың денсаулық сақтау министрі Роберт Ф. Кеннеди-кіші қолдау білдіруде.
Кеннеди азық-түлік өнімдеріндегі жоғары өңделген қоспалар мен жасанды бояғыштарды азайтып, олардың орнына табиғи әрі пайдалы ингредиенттер қолдануды ұсынады. Ол америкалықтардың қантты шамадан тыс тұтынуын сынға алып, өнім құрамын жақсартуға бағытталған реформаларды белсенді түрде насихаттап жүр.
Табиғи қант — жаңа стандарт бола ма?
Қазіргі таңда АҚШ-та сатылатын Coca-Cola өнімдерінде әдетте жоғары фруктоза қосылған жүгері шәрбаты қолданылады. Ал басқа елдерде — әсіресе Латын Америкасы мен Еуропада — табиғи тростник қанты жиі қолданылады. Енді сол тәжірибе америкалық нарықта да енгізілуі мүмкін.
Алдағы жазда жарияланатын жаңартылған диеталық ұсынымдарда да осы бағыт көрініс табуы ықтимал.
Әзірге Ақ үй де, Coca-Cola компаниясы да бұл мәлімдемеге ресми жауап берген жоқ.
