27 қаңтар, 2026
АҚШ-та режиссер Тимур Бекмамбетовтың «Мейірім» (Mercy) атты жаңа фильмі прокатқа шықты. Картина алғашқы аптада 11,2 млн доллар жинап, бес апта бойы көш бастап тұрған «Аватар: От пен күл» (Avatar: Fire and Ash) фильмін екінші орынға ығыстырды. Бұл туралы Variety басылымы хабарлады.
Ғылыми-фантастикалық жанрда түсірілген фильм оқиғасы болашақта өрбиді. Басты рөлді актер Крис Пратт сомдайды. Оның кейіпкері әйелін өлтірді деген күдікке ілініп, тағдырын жасанды интеллект негізіндегі сот шешуі тиіс.
Сарапшылардың болжамы бойынша, фильм алғашқы аптада 12 млн доллар жинауы керек болған. Алайда ауа райының күрт нашарлап, боран соғуы кинотеатрға келушілер санына кері әсер еткен.
Халықаралық прокатта «Мейірім» 80 елде көрсетіліп, 11,6 млн доллар табыс тапты. Фильмнің жалпы бюджеті – 60 млн доллар.
Дегенмен, картинаның көрермендер мен сыншылар арасындағы бағасы әзірге жоғары емес. CinemaScore сауалнамасы бойынша фильм B- рейтингін алса, Rotten Tomatoes сайтындағы сыншылар бағасы небәрі 20% деңгейінде.
Айта кетейік, «Аватар: От пен күл» фильмі былтыр жаңа жыл қарсаңында прокатқа шыққан. Ол алғашқы аптасында 962 млн доллар жинап, рекорд орнатқан болатын.
