5 қаңтар, 2026
Теміртау қаласында көпқабатты тұрғын үйдің кіреберісінде орнатылған жаңа жылдық шыршаны өртеген ер адам 10 тәулікке әкімшілік қамауға алынды, деп хабарлайды kznews.kz.
Оқиға қаланың тұрғын үйлерінің бірінде болған. Желіде тараған бейнежазбадан кіреберісте безендірілген шыршаның кенеттен лап етіп жанғанын көруге болады. Өрт дер кезінде сөндіріліп, зардап шеккендер жоқ.
Тәртіп бұзушы сол үйдің 33 жастағы тұрғыны болып шықты. Оның әрекеті бөтеннің мүлкін қасақана бүлдіру ретінде бағаланды.
Әкімшілік іс Теміртау қалалық сотында қаралып, сот шешімімен ер адам 10 тәулікке әкімшілік қамауға алынды.
