29 қараша, 2025
Санкт-Петербургте 13 жастағы бесінші сынып оқушысы анасын пышақтап өлтіріп, кейін қылмыс ізін жасыру үшін пәтерді өртеп жіберген. Оқиға туралы Alash.kz жазды.
Қайғылы жағдай Ковалевская көшесінде болған. БАҚ дерегінше, таңертең жасөспірім мен 46 жастағы анасы арасында жанжал туындаған. Себебі — баласына әлеуметтік желілерге кіруге тыйым салынғаны. Ашуға булыққан бала пышақ алып, анасын бірнеше рет жарақаттап, оқиға орнында өлтірген.
Кейін пәтерді өртеп, болған жайтты жасыруға тырысқан. Тергеу комитетінің мәліметінше, жасөспірім жасаған қылмысын мойындаған. Қазір тергеу жүріп жатыр.
