7 желтоқсан, 2025
Әнші Мұрат Қожа көпшілік сүйіп тыңдайтын "Жаулап алды махаббат" әнінің шығу тарихын айтып берді, деп хабарлайды kznews.kz.
Qazaqstan ұлттық арнасындағы "Бәрекелді" бағдарламасына берген сұхбатында оған "Бұл әнді Бейбіт Қорғаннан қалай алдыңыздар?" деген сұрақ қойылғанда, әнші әзілдеп: "Тартып алдық", – деп жауап берген.
Мұрат Қожаның айтуынша, Бейбіт Қорған студенттік шағында бұл әнді жатақхананың дәлізінде гитарамен жиі орындайтын. Курстас жігіттер оның қасына жиналып, сүйіп тыңдайтын.
"Кейін продюсерлер Нұрлан екеумізге бізге рэп айтуды ұсынды. Сол сәтте Бейбіттің әні есімізге түсті. Продюсерлер бірден ұнатып, "осы әнді аламыз" деп шешті. Осылайша Бейбітпен келісімге келіп, әнді ресми түрде алдық", – дейді Мұрат Қожа.
