Бүгін, 18:49
Қазақстанда рэпер Ануар Баймұхаев (De Lacure) төңірегінде дау туындады. Оған Threads әлеуметтік желісінде тараған стендап-комик Зарина Байболованың видеосы себеп болған, деп хабарлайды kznews.kz.
Бейнежазбада ол «Мне стыдно» бағдарламасының түсірілімінде айтылған оқиғаны баяндаған. Оның айтуынша, рэпер достарымен бірге жарақат алған әйелді кездестіріп, көмектеспек болған. Алайда олардың бірі өзгелерден шығып кетуді сұрап, жағдайды өзі реттейтінін айтқан.
Кейін белгілі болғандай, сол сәтте әйелге қатысты зорлық жасалған. Ал рэпер мен тағы бір танысы сыртта тұрып, не болып жатқанын түсінгені айтылған.
Бұл оқиға әлеуметтік желіде үлкен резонанс тудырды. Көпшілік мұны жай ғана шоудағы әңгіме емес, нақты қылмыстың сипаттамасы деп қабылдады. Соның салдарынан De Lacure-ге қатысты қатаң сын айтылып, желі қолданушылары оны жаппай айыптай бастады.
Сондай-ақ, пайдаланушылар бұл жағдайға құқық қорғау органдары назар аудара ма деген сұрақ көтеріп отыр.
