Заңгердің айтуынша, бүлдіршінге ота жасалып, тіліндегі жарақатқа сегіз тігіс салынған.
– Күдікті автокөлігімен жардан құлаған кезде бала да көліктің ішінде болған. Салдарынан ол жарақат алып, тіліне тігіс салуға тура келді, – деп жазды Сариева.
Адвокаттың мәлімдеуінше, қыздың анасы медицина саласында еңбек етеді. Оқиға болған сәтте ол көршісінің үйінде болып, онкологиямен ауыратын науқасқа ем-дом көрсетіп жатқан.
Еске сала кетейік, күдікті мен жәбірленуші арасында бұрын тығыз қарым-қатынас болған. Жанжал кезінде ер адам жәбірленушінің ағасына мылтық кезеніп, оқ атқан. Ол алған жарақатынан оқиға орнында қаза тапты. Осыдан кейін күдікті баланы ұрлап, ізін суытқан.
