Әнші Қайрат Нұртас пен Сырым Исабаев ұзақ үзілістен кейін қайта жүздесіп, желі қолданушыларының назарын аударды, деп хабарлайды kznews.kz.
Екі өнер иесінің кездесу сәтінен түсірілген бейнежазбаны әнші Заттыбек Көпбосынұлы әлеуметтік желідегі парақшасында жариялаған. Кадрлардан Қайрат пен Сырымның бір-бірін жылы қарсы алып, қуана амандасып жатқанын көруге болады.
Бұл әсерлі сәт көпшіліктің көңілінен шығып, тыңдармандар арасында ерекше ықылас тудырды. Бейнежазбаға пікір қалдырған Заттыбек Көпбосынұлы: «Екеуінен дуэт күтесіздер ме?» деп жазды.
Желі қолданушылары да бұл сұраққа белсенді жауап беріп, қос әншінің бірлескен жаңа туындысын асыға күтетіндерін жарыса жазуда.