26 мамыр, 2026
Спорт қауымдастығының өкілдері Алматы тау кластерін дамыту бастамасын қолдап, Алматыға халықаралық деңгейдегі заманауи тау жобасы шұғыл қажет екенін мәлімдеді, деп хабарлайды kznews.kz.
Спорт қауымдастығының өкілдері Алматы тау кластерін дамыту бастамасын қолдап, Алматыға халықаралық деңгейдегі заманауи тау жобасы шұғыл қажет екенін мәлімдеді.
Спортшылардың айтуынша, қазіргі таңда қазақстандық тау спорты өкілдерінің көбі заманауи инфрақұрылым мен сапалы трассалардың жетіспеуіне байланысты жаттығу жиындарын көрші елдерде өткізуге мәжбүр.
«Алматының Орталық Азиядағы қысқы спорт пен тау туризмінің орталығына айналуына толық мүмкіндігі бар. Бірақ біз уақыт жоғалтып жатқанда, тау спортшылары көрші мемлекеттерде жаттығып жүр. Алматы тау кластерін дамыту – тек туризм мәселесі емес, бұл спорт, жастар, халықаралық бедел және қала экономикасы үшін маңызды жоба», – деді тау шаңғысы спорты бойынша бірінші санатты жаттықтырушы Роман Григоров.
Сондай-ақ спортшылар бұл жобаның жүзеге асуы бұқаралық спортты дамытуға, жастар үшін тау инфрақұрылымының қолжетімділігін арттыруға және болашақ чемпиондарды даярлауға жаңа мүмкіндік беретінін атап өтті.
