Бүгін, 10:08
Алматыдағы Әл-Фараби даңғылында болған жол апатынан қаза тапқан 20 жастағы қыздың әкесі сотталушыны кешірмейтінін және оған қатаң жаза тағайындалуы үшін күресетінін мәлімдеді, деп хабарлайды kznews.kz.
Әкесінің айтуынша, ол қызын туған күнінен бастап өзі тәрбиелеп, өсірген. Сондай-ақ айыпталушы тарапынан ұсынылған қаржылай өтемақыдан бас тартқанын мәлімдеді.
«Маған оның миллиондары керек емес, маған балам керек. Мен оны кешірген жоқпын және ешқашан кешірмеймін», – деді ол.
Сонымен бірге әке айыпталушының ата-анасымен кездескенін, олардың кешірім сұрағанын айтты.
"Айыпталушының анасы маған 10 миллион теңге ұсынды. Маған оның миллиондары керек емес, маған балам керек. Мен оны кешірген жоқпын және ешқашан кешірмеймін. Мен Тараздағы ата-анасының үйіне бардым. Оның әкесі менен көз жасын төгіп кешірім сұрады", - дейді ол.
Қазіргі уақытта іс сотта қаралып жатыр.
